ÓRRE
Qaraqalpaqsha
f. órre turıw.
Tik turıw, tez turıw, ushıp turıw.
Aymereke ornınan órre turdı (J.Aymurzaev).
Uyqısın shayday ashıp hayalı da ornınan órre turdı (K.Sultanov).
Egin ekseń órre turǵan, SHóplerinde dári de bar (I.YUsupov).
Ústi-bası olpı-solpı birewdi ertip kiyatırǵanımdı kórgen ballar orınlarınan órre-órre turdı (M.Nızanov).
Júregin bawrına qısıp, otırǵan ornınan órre turıp ketkenin bilmey qaladı (K.Sultanov).
Nurjamal ornınan órre turıp, «sheshe, sheshe!» dep, kempirge qolın uzattı (K.Sultanov).
Tań ata shıqqan zarlı ses, qaqıranıń aynasına jaqın jerde jatırǵan Berdaqtı shorshındırıp, ornınan órre turǵızdı (A.Sadıqov).