ÓLTIRIW
Qaraqalpaqsha
f. 1. Tirishilikten ayırıw, jasaw qábiletin joytıw, janın shıǵarıw.
Eki inisin óltirip, mánisine keltirip, Aqılı joq Aydostıń kelgenin bular biledi (Berdaq).
Tılda temir jolda xızmet etip júrgende poezd basıp ketip óltirgen (J.Aymurzaev).
Kisini albıratıp óltirerseń-aw — dep, «sennen boldı» degendey daladaǵı kúyewine bopsa etti (K.Sultanov).
Áp-ánedey, ayı-kúni pitip on eki múshesi menen tuwılǵan qızımdı úsh kún ishinde óltirip qolıma berdi (M.Nızanov).
Bolmasa, sol biz óltirmegen menen túrkmenler menen urısta ólip atır (A.Sadıqov).
2. Qanday da bir nárseniń sapasın, qásiyetin ózgertiw.
Hák óltiriw, qıy óltiriw.
3. awıs. Húreyin túsiriw, abırayın joǵaltıw, bejeriw, baplaw.
Jigitler adamdı namıs óltirer, ol namıs jigittiń arın bildirer («Ámiwdárya» j.).