ÓKPE I
Qaraqalpaqsha
at. anat.
Adam hám omırtqalı xaywanlardıń dem alıw organı.
Bunday iske jol bermeyin jıǵılmay, qızıl ókpem júregime tıǵılmay (J.Aymurzaev).
Házirdin ózinde bir neshe mallardıń ókpesin tıńdap kórdi (Ó.Ayjanov).
Tuwmaǵan tuwdı soydırıp, ókpesi menen qaqtırdı («Qırq qız»).
Jigittiń boyi sergek.
Ókpesi tolı, taza hawa (K.Sultanov).
Ókpesi isiniw — a) ashıwlanıw, tullanıw.
Jumabay ókpesi isinip sóyley almadı (K.Sultanov).
Ókpesi isip, awzına tıǵıldı (K.Sultanov).
b) demi qısılıw, qıslıǵıw.
Ókpesi óshiw — sharshaw, dármanı qurıw, boldırıw.
Seralınıń ókpesi óship, albıraǵanı sonshelli, sózlerin de durıslap ayta almay uw septi, — dey beredi (G.Izimbetov).
Biraq qansha zıp berip qashqan menen alıp taslaǵan dushpan bolmagan soń, biraz jer júrip, ókpesi óshken soń táwekelge salıp artına burılıp qaradı (K.Sultanov).
Ókpe-bawır — adamzatlardıń hám janlı-janıwarlardıń ókpesi menen bawırı.
Ókpe-júrek — adamzatlardıń hám janlı-janıwarlardıń ókpesi menen júregi.