ÓGIZ
Qaraqalpaqsha
at. Eki jastan ótken (kúsh-kóligi retinde paydalanatuǵın) qara maldıń pishtirilgen, tarttırılǵan erkegi.
Ógizdiń otın jep baspaqtıń ornında jatpa (qq.x.q.).
Atı shıqqan palwanǵa qos ógiz bayraq qoyadı («Alpamıs»).
Ógizler túyekten shıqtı sabılıp, Seniń janıń tas eken dım, Áskerbay (I.YUsupov).
Men ógizlerdi shanaǵa jegeyin! — dedi (K.Sultanov).
Maldan eki sıyırı menen baspaq tanaların qosqanda bes-altı qarası, jılqıdan bir ǵunan menen qulınlı biyesi, kúsh maldan qos ógizi bar, orta dármiyan xojalıq (K.Sultanov).
Aqırı, búl mezgil ǵoy-mezgil, hátte shashqan dánniń ógizdiń ústinen sıpqanap túskeniniń ózinde shashqan waqıttaǵı túskeninen parq beretuǵın waqgı edi! (A.Sadıqov).
Ógiz ógizden kóriw — awıs. adamlardıń jumısı awır bolǵanda bir-birinen kóriwi.
Jer qattı bolsa ógiz ógizden kóredi (qq.x.n.).