ÁRMAN
Qaraqalpaqsha
at. 1. Maqset, keleshek, niyet, adam kewlindegi isleyjaq isi.
Biraq, birewinin de basqa qalanı árman etkenin esitken emespen (T.Qayıpbergenov).
Men geypara waqıtları Ayzadaǵa usawdı da árman etip qoyatuǵın ádetti shıǵardım (T.Qayıpbergenov).
Qapashılıqtan ókirip jılamaw ushın, aqılın joytıp qoymaw ushın Ábiwtálip árman ete basladı, sonnan aldamshı tınıshlıqtı kútti (SH.Aytmatov).
2. Qayǵı, hásiret, baxıtsızlıq, kemtarlıq.
Maqtımqulı da Meńli qızdı alalmay ármanda ótken (K.Sultanov).
0 Ármanda qalıw — ókiniw, qayǵıǵa, uwayımǵa qalıw.
«Terǵen sayın kóp tersem dep, Tergenler de nalıp turǵanda, «Jáwlan urıp bir kórmedim» dep, Termegenler qalar ármanda (T.Seytjanov).
awıs. Biraq, kishigirim bir konkursta Stadivari violonchelinde oynaǵan, ol álbette Keti edi, sarı shashlı qızdan keyingi orındı iyelep, bir neshe júz dollardıń iyesi bolǵanda balalıqtaǵı orınlanbaǵan ármanına qolı jetti (K.Karimov).
Djon ózin asıqtay da bult joq ashıq aspanda ushıp júrgen, hámme ármanlarına qolı jetken perishte kibi sezindi (K.Karimov).
Meniń ómirlik ármanlarımdı joqqa shıǵarǵan, meni aldaǵan usı ásbap emes pe? (K.Karimov).
Qolı jetpeytuǵın ármanına aylanǵan gózzal Zúleyqanıń janında, qol sozım jerde turǵanı, kelinshekten tarqalǵan xosh iyis basın aylandırıp jiberdi (K.Karimov).