ÚYIW
Qaraqalpaqsha
f. Bir zattı, nárseni, belgili bir jerge jıynaw, toplaw.
Quwanısh penen alǵan azıqların balalar bir jerge úyip atır (T.Qayıpbergenov).
Balalar aytılǵan sóz boyınsha piyazdı úyip qoydı (S.Saliev).
0 Qabaq úyiw — ashıwlanıw, túneriw, qáhárleniw.
Gennadiy qabaǵın úyip miyi aylanǵan basın tómen iydi (A.Bekimbetov).
Úyilip-tógilip otırıw — toplanısıp otırıw, kóp bolıp jıynalıw.
Olar úyilip-tógilip otırıwı menen qala berdi (J.Aymurzaev).
Úyip-tógip ákelip taslaw — aǵıl-tegil etiw, bir jerge toplaw, jıynaw.
Pochtalon gazetalar menen xatlardıń bar-joǵın úyip-tógip ákelip taslap ketedi (Ó.Xojaniyazov).