ÚY I
Qaraqalpaqsha
at. 1. Adam otıratuǵın xojalıq, semya.
Bizde úy joq kúndiz ilip otırǵan, Apaq-shapaq jaynap kúlip otırǵan (I.YUsupov).
2. Watan, shańaraq.
3. Belgili bir jámiyet paydalanatuǵın, jasaytuǵın orın, mákeme.
Sóytip, Tóresh balalar úyine tapsırıldı (N.Dáukenov).
0 Úy tigiw — xojalıq bolıw, shańaraq kóteriw, bala-shaǵalı bolıw.
Xalmurat bay úy tikti dep awıldıń bári jıynaldı (Q.Irmanov).
Úydi basına kóteriw - shawkım salıw, uw-shuw bolıw.
Balalar xá demey-aq úydi basına kóterdi (Á.SHamuratov).
Úyli-jaylı bolıw — xojalıklı, dúnya-mallı bolıw, turmısı jaqsılanıw.
Aq úyli bolıw — súrginge jiberiw, jer awdarıw.
Arzım politsiya tárepinen aq úyli boldı (S.Arıslanov).
Úy mashqalası — xojalıq jumısları, semya jumısı.
Úy mashqalası onı táwir-ak albırattı (Q.Kamalov).
Úyden shıqpaǵan — awıs. turmıs qurmaǵan, kúyewge shıqpaǵan.
Ol ele úyden shıqpaǵan qız (S.Xojaniyazov).