QUSHAQ
Qaraqalpaqsha
at. 1. Birewdi kushaqlaw ushın umtılǵandaǵı eki qoldıń arası.
Janay jaqındasqan soń Aqtamaq qız da kúlimlep kerilip qushaq ashadı («Er Ziywar»).
2. awıs. Oy qushaǵında — oyǵa beriliw, oy menen bánt bolıw.
Deǵen menen, ózi islew kerek, oydıń qushaǵında júzip otırdı (Ó.Ayjanov).
0 Qayǵı qushaǵı — uwayımǵa beriliw, uwayım basıw.
Qayǵı qushaǵında turıp biraz ábiǵerlendi (J.Aymurzaev).
Qushaq ashıw — kútip alıw, qarsı alıw.
Qushaq ashıp turmız, keliń, miymanım, Qolda jeti túrli gúlim, miymanım (A.Dabılov).
Tún qushaǵı — tún ishinde, túnǵi, aqshamǵı, qarańǵıda.
Tun qushaǵı salqın tartqan hawa menen tıǵız tolǵan (A.Bekimbetov).