QURÍW
Qaraqalpaqsha
f. 1. Jasaw, dúziw, salıw, jasap shıǵarıw.
Qızketken boyınsha zavodlar qurǵan, Sarı altın tazalap altın puw urǵan (S.Nurımbetov).
2. Ornalastırıw, jasaw, dóretiw.
Usta daraǵına atkónshek qurdı, Sóytip denelerden erkin qan júrdi (A.Dabılov).
3. Bir nárseni tutıw, tartıw, iliw.
Jaydıń mushına shımıldıq qurıldı, oǵan kelinshek otırdı.
4. Ornatıw, dúziw, shólkemlestiriw.
Jábdillesken xojalıqtı qurıwda isleǵen jumıslar kópshilik penen baylanıslı boldı.
0 Dińkesi qurıw — hal-kuwatı, ketiw, boldırıw, sharshaw.
Eki ayaǵı sal bolıp, dińkesi qurıp alǵa júre almadı (N.Dáwqaraev).
Zawıq qurıw — kewil kóteriw, tamasha islew.
Joq, bul jerde saǵan arman tur demes, Jaslar bunda qurar zawıqlı keshe... (I.YUsupov).
Oylasıq qurıw — oylasıw, keńesiw, aqıllasıw.
Seyit ata jaylasıp, chay ústinde qurdı biraz oylasık (T.Seytjanov).
Pisi qurıw — bos kalıw pánt jew, aldanıw.
Álle kimlerden xat kútken qızlardıń da suw kısımlaǵanday pisi qurıp kaldı (Ó.Xojaniyazov).
Awzınıń suwı qurıw — júdá tanlanıw, kızıǵıw, intizar bolıw.
Ernazar dese adamlardıń awzınıń suwı qurıiidı (A.Begimov).
Sawash qurıw — urısıw, atısıw, shabısıw.
Dushpan menen ayrıqsha sawash qurıwǵa tuwra keldi.
Duzaq qurıw — awıs. qaslıq oylaw, aldastırıw.
Ǵarrı alıstan duzaq qurıp sóyledi (K.Sultanov).
Turmıs qurıw — shańaraq kurıw, xojalıq bolıw, birge ómir súriw.
Qarasam, ózimniń qatar-kurbılarım turmıs qurıp, úylenip atır (Ó.Ayjanov).