QART
Qaraqalpaqsha
q. ǵarrı.
Qartbuǵaday biylerden, Keńes sorar kún qayda? («Ormambet biy tolǵawı»).
Altı deǵende ne jaman? Alpısqa kelgen qart babań, Atawsız ketse sol jaman (Termeler).
Yettilenshi ne yaman? Yettim-yettim deǵende, Yetkinshekten ayrılǵan, SHappay-jelmey mayrılǵan, Qanatınan qayrılǵan, Jer tayanıp turalmay, Atın aytıp zarlanıp, Keyninde qalǵan qart yaman (Termeler).
Artqı ayıldıń batqanın, Iyesi bilmes, at biler.
Aǵayinniń azǵanın, Aǵayin bilmes, jat biler, Teri tonnıń ıssısın, Jası tolǵan qart biler (Termeler).
Qırqńa tonnıń ıssısın, Jası kaytkan qart biler (Termeler).
Biyádep ósken jigitten, Kóp jasaǵan qart jaqsı (Termeler).
Qáńgi eshektiń qádirin, Sabın satqan sart biler, Eltiri tonnıń qádirin, Jası qaytqan qart biler (qq.x.n.m.).
Esiktiń aldı art bolsa, Ertlewli turǵan at yańlı, Eskinamay qart bolsa, Eskiden qalǵan xat yańlı (qq.x.n.m.).
Burınǵınıń nartı bolsań, Sońǵınıń qartı bolarsań (qq.x.n.m.).
Ilgeri baskan balanı, Teris qaytqan qart qaytarar (qq.x.n.m.).