QANAT
Qaraqalpaqsha
at. 1. Quslardıń, taǵı basqa ushatuǵın maqluqlardıń ulıwma ushıw xızmetin atqaratuǵın múshesi.
Qus qanatı menen ushadı, kuyrıǵı menen qonadı (qq.x.n.m.).
Qanatı pútin suńqar joq, kuyrıǵı pútin tulpar joq (qq.x.n.m.).
2. awıs. Samolyottıń kóteriliwine, ushıwına kerekli quslardıń qanatına uqsaq bólegi.
3. awıs. Qara úydiń keregesi.
Tórt qanat úydiń keregelerin qosıp shandıdı da, uwıqların shańıraqqa tıǵa basladı.
4. awıs. SHeti, jaǵı, tárepi.
Dushpannıń sól qanatına wayran salıp, onı sheginiwge májbúrledik te, qolaylı bekinisti basıp aldıq.
5. awıs. Tirek, tayanısh, súyenish.
Qos qanatınan ayırıldı.
0 Qanat qaǵıw — joqarıǵa qaray talpınıp umtılıw.
Qızıl qanat bolıw — shójelerdiń, palapanlardıń qanatlarına jún hám túk shıǵa baslawı, qanatında háreket bola baslawı.
Qanatın jayıw — a) kópshilikke jayılıw, taralıw, keńeyiw; b) ósiw, órbiw rawajlanıw; v) eki qanatın eki jaqqa qaray keriw, sozıw, jayıw.
Qanatınan ayırılıw — a) qanatınan juda bolıw, qanatı joq bolıw; b) awıs. tireginen, tayanıshınan, súyenishinen ayırılıp qalıw, bosqa qalıw.
Qoblan qanatınan ayırıldı.