ҚАНАТ
Қарақалпақша
ат. 1. Қуслардың, тағы басқа ушатуғын мақлуқлардың улыўма ушыў хызметин атқаратуғын мүшеси.
Қус қанаты менен ушады, куйрығы менен қонады (ққ.х.н.м.).
Қанаты пүтин суңқар жоқ, куйрығы пүтин тулпар жоқ (ққ.х.н.м.).
2. аўыс. Самолёттың көтерилиўине, ушыўына керекли қуслардың қанатына уқсақ бөлеги.
3. аўыс. Қара үйдиң керегеси.
Төрт қанат үйдиң керегелерин қосып шандыды да, уўықларын шаңыраққа тыға баслады.
4. аўыс. Шети, жағы, тәрепи.
Душпанның сөл қанатына ўайран салып, оны шегиниўге мәжбүрледик те, қолайлы бекинисти басып алдық.
5. аўыс. Тирек, таяныш, сүйениш.
Қос қанатынан айырылды.
0 Қанат қағыў — жоқарыға қарай талпынып умтылыў.
Қызыл қанат болыў — шөжелердиң, палапанлардың қанатларына жүн ҳәм түк шыға баслаўы, қанатында ҳәрекет бола баслаўы.
Қанатын жайыў — а) көпшиликке жайылыў, таралыў, кеңейиў; б) өсиў, өрбиў раўажланыў; в) еки қанатын еки жаққа қарай кериў, созыў, жайыў.
Қанатынан айырылыў — а) қанатынан жуда болыў, қанаты жоқ болыў; б) аўыс. тирегинен, таянышынан, сүйенишинен айырылып қалыў, босқа қалыў.
Қоблан қанатынан айырылды.