ǴULǴULA
Qaraqalpaqsha
at. 1. Ǵalawıt, shawqım.
Tań atıp kún uyasınan shıǵıwdan-aq awıldıń arasına bir ǵulǵula payda boldı (A.Begimov).
2. SHuǵıl sóz, azǵırǵanlıq, azǵırıwshılıq.
Aydosıń patshanıń tiline erip, Ǵulǵula sózine kewlin berip (Átesh).
3. Dárt, árman.
Biraq, nege ekeni belgisiz, sol qız kókiregine ǵulǵula salıp ketken tárizlendi (T.Qayıpbergenov).
0 Ǵulǵula túsiw — tınıshsızlanıw, biytaqatlanıw.
Kelinshek tústi, awılǵa tústi, Qızlardıń ishine ǵulǵula tústi (qq.x.fol.).
Ǵulǵula taratıw — ızım-sızım ótirik xabar taratıw.
Jurt arasında jortaǵa ǵulǵula taratıp, xalıqtı mázi alań qılıp, elge zıyanın tiygiziwshi degen mánide shıǵar (SH.Seytov).
Ǵulǵulalı kewil — kapa, uwayımlı kewil.
Aydostıń ǵulǵulalı kewli biraz jubanısh tawıp: — «jańa aqıl keldi» - dedi ish inen... (T.Qayıpbergenov).