SHÍBÍQ

Qaraqalpaqsha

at. Terektiń, jıńǵıldıń mayda jińishke túri, jińishke tal. 1. Eki jigit qızıl jıńǵıl shıbıqların sazlap turǵanda qazı kelip, waz oqıdı (K.Kárimov). Onıń júregi suw etti. SHıbıq uslaǵan qolı qaltıradı (K.Sultanov). Biraq, usınnan mollanıń shıbıǵın kóp jegen, usınnan pallaqqa kóp asılǵan bala joq (A.Sadıqov). Kisim qáhári kelgende ursın, tuttan basqa shıbıq sınıp qaladı, jáne qayaqtan shıbıq izlep júremen, deydi eken (M.Nızanov). SHıbıq tiymegen asaw eken (K.Sultanov). 2. — Waqtında raykom sekretarı bolıp xámmeni bir shıbıq penen aydaǵan, ol (K.Kárimov). Hayal qansha dáw bola bersin, erkektiń aldında mayısqaq shıbıqtay boladı (M.Nızanov).