XAN
Qaraqalpaqsha
at. 1. Burınları memleket basında turıp, eldi, xalıqtı basqarǵan adam.
Xiwa xanı kóterilis taptı, Barıp qazaqtı shaptı (Berdaq).
2. Ayrım ellerde, xalıqlarda atadan-balaǵa, násilden-násilge keletin dáreje jáne osınday dárejedegi adam.
3. awıs. Bir istiń mamanı ne bir top adamlardıń jası úlkeni, basshısı.
Qaytta, merekede qızlardıń xanı, Dúniede bir óziń boldıń Parshagúl (Ájiniyaz).
4. awıs. Qurǵın, bay.
Pıshaq xaqıń eki siır bir ǵunan, Malıń bolsa, óziń patsha, óziń xan (I.YUsupov).