ХАН
Қарақалпақша
ат. 1. Бурынлары мемлекет басында турып, елди, халықты басқарған адам.
Хиўа ханы көтерилис тапты, Барып қазақты шапты (Бердақ).
2. Айрым еллерде, халықларда атадан-балаға, нәсилден-нәсилге келетин дәреже және осындай дәрежедеги адам.
3. аўыс. Бир истиң маманы не бир топ адамлардың жасы үлкени, басшысы.
Қайтта, мерекеде қызлардың ханы, Дүниеде бир өзиң болдың Паршагүл (Әжинияз).
4. аўыс. Қурғын, бай.
Пышақ хақың еки сиыр бир ғунан, Малың болса, өзиң патша, өзиң хан (И.Юсупов).