UZAQ
Qaraqalpaqsha
r. 1. Alıs, qashıq.
Teńizde júrgen balıqshılar kútá uzaqqa ketipti (K.Sultanov).
2. Birtalay, birqansha, káń, kóp.
Bunnan keyin kórpege ekewi de kirip uzaq waqıt sóylesti (T.Qayıpbergenov).
0 Uzaq jasa — ómiriń uzaq bolsın.
Uzaq jasa, baxıtlı bol qızım dep, Kórdim xalıqtıń gúwlep shappat qaǵısın (K.Sultanov).
Uzaq saparǵa shıǵıw — alıs jolǵa shıǵıw.
Aǵash ustası, zerger, molla úshewi uzaq saparǵa shıǵıptı (Q.Ayımbetov).
Uzaqqa sozılıw — kópke dawam etiw, tawsılmaw.
Otırıspa uzaqqa sozıldı (Q.Ayımbetov).
Ómiri uzaq bolmaw — kóp jasamaw, ómiri qısqa bolıw.
Biysharanıń ómiri uzaq bolmadı (A.Dabılov).