TIYIW
Qaraqalpaqsha
f. 1. Bir zattıń ekinshi bir zatqa tireliwi, soqlıǵıwı.
Keskir qılıshtıń bir júzi bolmasa bir júzi menen tiyip ketedi (K.Sultanov).
2. Birewge urısıw, urınıw, topılıs jasaw.
Qattıraq sóylesem, bolıstıń kewline tiyip alarman, — dep oylap qoydı ol (K.Irmanov).
Kóterilisshiler onnan Xiywa xanı hám yawmıtlardıń puqaralardıń namısına tiyiwine shek qoyıwın hám biybastaqlıqtı toqtatıwın talap etti (A.Sultanov).
3. Birewden bir zattı alıw, qolǵa túsiriw.
Bazar tarqaǵannan keyin birneshe deńgeneshiler bir qashardı ortaǵa alıp, qolları qızılǵa tiyip qumbıl bolıp atırǵan edi (Q.Ayımbetov).
Kúyewge, erge tiyiw, turmısqa shıǵıw.
Tártip boyınsha erge tiyiwdi ózim de bilemen (qq.x.e.).
Áke-sheshem bas bolıp, zorlap berdi, men kóndim, tiydim (A.Bekimbetov).