TIGIW
Qaraqalpaqsha
f. 1. Jip sabaqdanǵan iyne menen kiyim taǵı basqa zattı biriktiriw, jırtıqtı, tesikti jamaw, ulıwma zatlardı tigiw.
Men kelgende Miyirxan keste tigip otır eken (Ó.Xojaniyazov).
2. Úy, shatır t.b.
zattı kóteriw, qondırıw.
Qayıp óz aldına shańıraq bolǵalı úyin Qosıbayǵa irgeles tigip kiyatır (K.Sultanov).
3. Qanday da bir ósimliklerdi, nállerdi otırǵızıw, shanshıw.
Nurbaev qula dúzden jańa jer ashıp, oǵan miywalı aǵashtardıń nállerin tigipti (A.Bekimbetov).
0 Kóz tigiw — kewil awdarıw, kóz salıw, qaraw, kútiw.
Eki kózin tigip jolǵa, Ruldi nıq tutıp qolǵa (I.YUsupov).
Qulaǵın tigiw — dıqqat penen tıńlaw.
Qulaǵın tigip awzın ashıp kerilip, gúldir-gúldir kisnedi («Máspatsha»).
Bas tigiw — bastı ólimge baylaw, jolına qurban bolıw.
Bastı tigip jolıńa, júrmen «olla» ırasım (A.Begimov).
Qastıń tigiw — ashıwlanıw ǵázep penen qaraw.
Qastıń tigip, qáhárlenip, Qasarısıp, bayıń oyran salıptı (K.Sultanov).