TEnler
Qaraqalpaqsha
I at. Tikkeley parovozǵa tirkeletin, suw yaki janılǵı qaldıqları, maylaw-tazalaw zatları saqlanatın arnawlı vagon.
Jarqın qolına maylı shúberek alıp, kotel menen tenlerdi jarqıratıp tazaladı (N.Ǵabdullin).
II at. 1. Ol yaki bul xızmetlerdi orınlaytın, arnawlı joylar ushin úskene ám materiallar jetkirip beretin firma yaki kompaniyanı anıqlaw maqsetinde daǵaza etilgen tanlaw.
2. Ashıq túrdegi yaki shektengen sandaǵı qatnasıwshılar ushın jabıq túrdegi konkurentsiyalı sawda-satıq; buyırtpanı jaylastırıwdıń tanlaw forması.
Ashıq tenler.
Jabıq tenler.
Mámlekettik múlkti satıwda tenler sawdaların ótkeriw boyınsha mámlekettik komissiyanıń quramı 4-qosımshaǵa muwapıq tastıyıqlansın (Internet maǵlıwmatları).
3. Xalıqaralıq bazarda mashina-úskeneler sawda islew, qurılıs-montaj jumısların orınlaw, injenerlik xızmetler kórsetiw ushın tanlaw tiykarında buyırtpalar beriw.