TAŃLAY
Qaraqalpaqsha
at. Awız quwısınıń ústingi tiske shekemgi aralıǵı.
Nur darıtıp mańdayına, Suw darıtıp tańlayına (I.YUsupov).
0 Tańlayı kebiw — shóllew, suwsıraw.
Xiywa xannıń áskeri, Beti qara láshkeri, Isherine suw tappay, Tańlayı kewip sorlasın (Berdaq).
Tańlayı taqıldaw — tańdanıw, xayran qalıw.
Jollanarda talaylar tańlayın taqıldatıp aytıssa da, esaplasarda qarızlar bolıp qutılǵan (SH.Seytov).
Tańlayına beriw — a) sheshenlik.
b) Kóp sóyleytuǵın, bıjıq.
Toqtat tańlayına bergen, sen kópsh iliktiń aldında kimniń abırayın tógeseń (A.Bekimbetov).
Tańlayın qaǵıw — tańlanıw, hayran qalıw.
Tańdayında tatıw — mazalı.
Oksananıń tańdayında tatıp, uwız iyip kurtqan taǵam bul! (M.Nızanov).
Tili tańlayına jabısıw — ǵázep, qorqıw.