TAYAQ
Qaraqalpaqsha
at. Qural ornına paydalanılatuǵın hám de júriw ushın qolǵa uslaytuǵın agash, hasa.
Mal baqtıń qolında qayqı tayaǵıń, Tilinip qırq jarıq bolıp ayaǵıń (A.Dabılov).
Qıysıq tayaǵımdı qolıma aldım (J.Aymurzaev).
Kim bel, kim balta menen, kim jaba, kim shoqmar, tayaq penen jalpılamay jawǵa shıqtı (T.Qayıpbergenov).
Sóz súyekten, tayaq etten óter (qq.x.n.).
0 Tayaq jew — sabalıw, sabawǵa ushıraw.
Húrmetli qaynaǵasınan tayaq jew jaman eken (A.Dabılov).
Tayaqqa jıǵılıw — tayaq jew, soqqıǵa ushıraw.
Qosmaǵanbet tayaqqa jıǵılıp atınan quladı (Ó.Xoshimov).
Tayaq tiyiw — soqqı jew, sóǵis esitiw.
Tayaǵın iyt ǵayzaw — jumıssız.
Ózi de qatardan qalıp tayaǵın iyt ǵayzaǵanday bolıp júrip edi («Alpamıs»).
Tayaq taslam jer — jaqın aralıq, arası tayaqtıń uzınlıǵı quraqım jer.
Tayaq taslamda shontańlap baratırǵan iyt artına qarap turdı da qasına kelip shońqaydı (SH.Seytov).