TAT
Qaraqalpaqsha
at. Temirge totıǵıw tiykarında jabısqan qızǵılt daq, záń.
Tómende kip-kishkene bolıp, boyawları tat basa baslaǵan tórt-bes korabl qatara turar edi (M.Nızanov).
0 Tat bastırmaw — totıqqırmaw, záńletpew.
Tat bastırmay kúnde berip qollarǵa, Maylap qoydıq qılıshlardıń qınabın («Qırqqız»).
Tatı ketiw — záńi, tatı ketiw.
Men kúnde islegen sebepten, tatım ketip, jarqıraǵanman dedi gúnde (S.Májitov).
Tat baspaw — totıqpaw, záńlemew.
Altındı tat baspas jatsa da jerde, Qazıp belbuwardan kómseń de jerge (Berdaq).
Altındı tat baspaydı, degen-ám danalıq bar (T.Qayıpbergenov).
Tat basıw — záńlew, totıǵıw.
Qanshama tat basqan menen, hasıl polat aynımas (J.Aymurzaev).
Men xalqıma ırzaman, Tat basqan polat nayzaman (A.Dabılov).
f. tatıw.