ТАТ
Қарақалпақша
ат. Темирге тотығыў тийкарында жабысқан қызғылт дақ, зәң.
Төменде кип-кишкене болып, бояўлары тат баса баслаған төрт-бес корабль қатара турар еди (М.Нызанов).
0 Тат бастырмаў — тотыққырмаў, зәңлетпеў.
Тат бастырмай күнде берип қолларға, Майлап қойдық қылышлардың қынабын («Қырққыз»).
Таты кетиў — зәңи, таты кетиў.
Мен күнде ислеген себептен, татым кетип, жарқырағанман деди гүнде (С.Мәжитов).
Тат баспаў — тотықпаў, зәңлемеў.
Алтынды тат баспас жатса да жерде, Қазып белбуўардан көмсең де жерге (Бердақ).
Алтынды тат баспайды, деген-әм даналық бар (Т.Қайыпбергенов).
Тат басыў — зәңлеў, тотығыў.
Қаншама тат басқан менен, ҳасыл полат айнымас (Ж.Аймурзаев).
Мен халқыма ырзаман, Тат басқан полат найзаман (А.Дабылов).
ф. татыў.