TALAQ I
Qaraqalpaqsha
at. gón.s. Erli-zayıplının ajıralısıwındaǵı bir-birine qoyılǵan shárt.
Neke, talaq, kalıń malǵa, Sóytip wayran salayıq (X.Axmetov).
0 Talaq etiw — a) neke buzıw, ayırılısıw.
Hayalın talaq etip, ózi basqa jurtqa ketipti (qk.x.e.).
b) bir nárseden bir tarap beziw, bas tartıw.
Mal-múlki baxtımdı, Tajım menen taxtımdı, bárshesin talaq etemen («Alpamıs»).
Malı kurısın neteyin, maldı talaq eteyin («Qoblan»).
Talaq xat — erli-zayıplılardıń ayırılısıw, neke buzıw jónindegi gúwalıq.
Qáne talaq xattı ákel, — dedi aybaraq salıp («Ámiwdárya»).