SÓTILIW
Qaraqalpaqsha
f. Uzın-shubayına tiǵisi ayırılıw, jırtılıw.
Usı waqıtta jamawlı shekpenin jalańash etine jelbigey salıp, góne bózden tigilgen diz kiyiminiń dizerlikten sótilip jırtılǵan balaǵın kórsetkisi kelmey, juwan sanına shıyırıp baylaǵan, ash óleń bir jigit qaptalındaǵı ǵarrını túrtip jımıydı (K.Sultanov).
0 Qabırǵası sótiliw — qattı qıynalıw, ashınıw.
Elden shıǵınıp ketkeli hayalı menen balalarınıń qansha hásiret uwına záhárlenip, qan jutıp, matam tutqanın, sherli jolbarıstay qabırǵasın sótip, ah urǵanın, ǵázepli sepkil júzlerin kórip, júregi tas tóbesinen shıqqanday boldı (K.Sultanov).
Aljir tartqan azaptan, Qabırǵam meniń sótiler (I.YUsupov).
— Sırttıń hár qıylı shabıwılınan sótilgen jaralı qabırǵalardı biriktiriw ushın irińlesken biri-yarımın ılaqtırıp taslaǵannıń zıyanı joq eken, balam (T.Qayıpbergenov).