SÓYLETIW
Qaraqalpaqsha
f. Adamnıń basqa adamdı tıńlawı, onıń pikirlerin biliwi.
— Biz de sonı oylasıp otırmız, Ereke, — dedi Ájiniyaz batırdı sóyletip, miyzamın bilgen soń (K.Sultanov).
Qalpaǵıń qap-qara, kókiregiń appaq, Sıy-xúrmet shapanı boyıńa shap-shaq, Saǵan ońay qara jerdi sóyletiw, Maǵan múshkil táriypińe sóz tappaq (I.YUsupov).
Aqshamı menen uyqılamay, jalǵızın bawırına basıp iyiskep, sóyletip, sózin tıńlap shıqqan Orazan batır jaw-jaraǵın asınıp, alayaq torısına mingen edi (T.Qayıpbergenov).