SÁWIR
Qaraqalpaqsha
at. 1. Jıldıń on eki ayınıń biri, báhár ayı.
SHamsiya jıl esabınıń ekinshi ayınıń arabsha atı, yaǵni 22-aprel 21-may aralıǵına tuwra keledi.
Jasırıp kúnniń qamalı, Esti sáwirdiń samalı (Á.SHamuratov).
Sen sayraǵan waqta shadlı namanı, Gúldey jaynap jańa turmıs jamalı, Esip kewillerde sáwir samalı, Qıs toqsanlar jazǵa dóndi, Ayımxan (I.YUsupov).
2. astr.
On eki músheldiń biri.
Hamal xám Jawza múshelleriniń ortasında jaylasqan.
3. Báhár aylarında esetuǵın samal.
Almameken dedim uwıljıp pisken, Qoyınan ıshqınıń sáwiri esken, Bilektey qos burım bóksege túsken, Bir qosa jupqasın basqa shalǵan qız (I.YUsupov).