SÍǴALAW
Qaraqalpaqsha
f. 1. Jasırın túrde qaraw, úniliw.
Jámiyla úydegi aytısqan gáptiń xámmesin esitip, qońsı úydiń jabıǵınan sıǵalap tur edi (K.Sultanov).
Jigitke ádet sıǵalaw, Kóziń atıp jıǵar-aw, Áytewir-aq shıǵar-aw, Qara kóylek ishinde... (I.YUsupov).
Jataqxanaǵa kelip, áynekten sıǵalasam, ol qozısı qalǵan qoyday artına qayta-qayta qaranıp gólegóylep baratır eken (T.Qayıpbergenov).
2. awıs. Abaylı bolıw, saqlanıw, saq bolıw.
Kóp sıǵalap kózińdi sal (A.Dabılov).