SÍNAQ
Qaraqalpaqsha
at. Imtixan, sınaw.
Máni berip, ser salsań bul zamanǵa, Tábizi ózge bir zaman kiyatır, Kompyuterdi túsinbegen adamǵa, Onıń test sınaǵı jaman kiyatır (I.YUsupov).
Jeter, sheberligiń, sabır-shıdamıń menen úlken sınaqtan óttiń (K.Kárimov).
Ózi de sınaqqa túskenin sezdi (K.Sultanov).
Bilim júyrik jáhánda, Pıraqtan da oza ber, Jaqsı oqıp sınaqtan pa (S.Nurımbetov).
f. Tekseriw, bayqaw, baqlaw.
Xosh keldiń dep attan túsirilgen qonaq, Otırǵan bolmaǵay sol úydi sınap, kózli xám ayaqlı, tilli bir sholaq, Ónersiz, bilimsiz qoldan jaqsıraq (Berdaq).
Ajar xayaldıń xúreylengenin ishten sınap «edenligi de bar eken ǵoy!» dep gáptiń ushın baska jaqqa awdardı (K.Sultanov).
Ómir súrip alpıs jeti jıl, Ne sınawdan ótse de bası, Ele bir jigittey kúshi bar, Búgilmegen polat tulǵası (I.YUsupov).
SHet elge shaymiy ketse, eldiń atına nuqsan keledi, shet jer kórmegen xalqın, kórgen adamı menen baxalaydı, dep sınamaqshı bolǵan (T.Qayıpbergenov).
Biziń xalqımızdı sınap kórmekshi, sawǵa-sálem bersek, qorqqanǵa jorıp, jolı túskende aylanıp soqpaqshı (K.Kárimov).
— Sen meni sınaw ushın shaqırdıń, — dedi Qutlımurat kózi qızarıp (M.Nızanov).