SÍLTAW
Qaraqalpaqsha
f. Báne, sebep, dálil.
Moyınǵa tússe el isi, sıltaw tawıp qala berme, sınıqqa sıltaw kóp (Ó.Xojaniyazov).
— Áne bul talabıń kelisedi, dedi Pirim, — usı sıltaw menen ketpeseń, qarshaday jasıńda, jat jurtqa jibere qoymas (K.Sultanov).
Adamlar shóllerge burıp dáryanı, Teńizdi qurıtıp, jawratar eldi, Sıltaw tawıp urıs ashıp, dúnyanı, Poligon qılıwdın zamanı keldi (I.YUsupov).
Irkilip qalıwǵa sıltaw tappadı (T.Qayıpbergenov).
Baltamlap aytısıp, waqıttı sozbaqshı, sonıń arasında «tal qarmap» qandaydur sıltaw ya sebep tappaqshı ıǵa usap kórindi (K.Kárimov).