SÍZÍW
Qaraqalpaqsha
f. Belgi salıw, sızıq islew.
Kóziniń qıyıǵın qızıl menen sızıp qoyǵanday edi (J.Aymurzaev).
Aǵıstı sızıp baratırǵan paroxod oǵan kóshken tolı elattay kórindi (K.Sultanov).
SHek joq edi qara túnlerde, Quyın shabar ańınday dúzdiń... Biri bolıp jeti juldızdıń, Jarq etti de, tún bawrın sızdı, Ál Beruniy tuwılǵan jerde (I.YUsupov).
Házir tógilgen kóz jastan ba, yamasa úsh kúnlik jawınnıń izi me, piyadalar batpaq sızıp, atlardıń tuyaqlarınan batpaqlar atlıǵıp hámme tarqastı (T.Qayıpbergenov).
Olarǵa jańaǵıday xaywanlardıń, adamlardıń súwretleri por menen dusmalay sızılǵan (M.Nızanov).