SÍBANÍW
Qaraqalpaqsha
f. 1. Bilekti túriniw, belseniw.
Belgili juwan palwanlar, Ortaǵa shıqtı sıbanıp («Er Ziywar»).
Onıń berjaǵında bilek sıbanıp balıq awlap júrsiz (K.Sultanov).
Ǵazlar qonǵan aydın-aydın kólleri, Jasıl lipas kiydi watan jerleri, Jeń túrinip, aq bilegiń sıbanıp, Iske tústi erkin miynet erleri (I.YUsupov).
Maman gúreske túsken palwanday ortada bilegin sıbandı (T.Qayıpbergenov).
2. Sazlanıw, tayarlanıw.
Saw bol, xalqım! Sen degende, Bir kúsh payda bolar mende, Saǵan qıyanet etkenge, Sıbanıwlı bilegim bar (I.YUsupov).