SUWÍQ
Qaraqalpaqsha
kel. 1. Tómen temperatura, salqın, ayaz, muzday.
Tek sen qas-qabaqtan anlar ediń de, Keshir, gúbirlenip dártimdi ayttım, «Suwıqta jalańbas turma» dediń be? «Qayt úyge» deyseń be? — Al, onda qayttım (I.YUsupov).
Pisirilgen suwıq gósh samar tabaq penen ortaǵa qoyıldı (K.Karimov).
Jerde kalıń qar, biraq, kardan keyin suwıq baslanbaǵan bolsa kerek, áste erip atır edi (M.Nızanov).
0 Qara suwıq — kurǵaq, qarsız, suwıq.
Xalıq awzıńda «bunnan buyaǵına dúzde tuwılǵan qozı ólmeydi» dese de, eki kúnnen bergi qara suwıq, qozı túwe anasın da sespey qatıradı (M.Nızanov).
Suwıq urıw — suwıqqa qalıw, tonlaw, muzlaw.
Bolmadı hesh kimim juwıq, Eginlerdi urdı suwıq, Basalay iship, ashıdı kuwıq, Jaman ashlıq boldı bıyıl (Berdaq).
Kiyip al, bolmasa tońıp qalasań, seni suwıq urıp ketse men ne qılaman (S.Sáliev).
2. awıs. Jaǵımsız, kewilsiz.
Adıraq kózlerin bejireytip, suwıq kelbet penen shaǵınıp sóylegen eki ǵarrınıń aytısına qulaq saldı (K.Sultanov).
Dep maǵan kúleseń suwıq tús penen, Ǵarrıǵa qosılǵan jas qızday bolıp, Túnlerde kóndirip meni kúsh penen, Qoynımda jatasań mup-muzday bolıp (I.YUsupov).
Ayttı: «SHayır aǵa, esit, miyriban! Bir suwıq shındıqtı aytayın saǵan, Táǵdir oylap tapqan tosın islerdi, Tappas deymen en bir sumlıkdı adam (I.YUsupov).
Adamdar suwıq xabardan únsiz kaldı (K.Kárimov).
Waqtı-waqtı eki iynin kóterip tereń dem aladı, suwıq dem (M.Nızanov).