SUWÍRÍW
Qaraqalpaqsha
f. 1. Bir zattı jılıstırıp tartıw, tartıp alıw, shıǵarıw, julıw.
Bala qılıshtı qınaptan suwırdı (Q.Ayımbetov).
Endi qara suwdan suwırıp alıp ketetuǵın shıǵar dep ser salıp júrdim (K.Sultanov).
Bes jetimek balańnıń, Ólimin kórsin dep pe ediń? Júregin baxtı qarańnıń, Suwırıp nege ketpediń! (I.YUsupov).
Esemurat ǵarrı shanıshqısın suwırıp alayın dese, shanıshqınıń tili qaytıp shıqpaǵan (T.Qayıpbergenov).
— Kelemen degenshe ayaǵındaǵı tikendi suwırıp alatuǵınday, isenip kelip edi (M.Nızanov).
2. Dánli eginlerdiń dánin samalǵa ushırıp tazalaw.
Tarı suwırıp turǵan Dáribiyke kepshigin jerge qoydı (K.Sultanov).
Abılqayır rehimli xan usap bizge qırman suwırtadı, kisige bererge zıyadatıy nan taba almaymız (T.Qayıpbergenov).
3. SHanǵıtıw.
Gazetke orap zaǵaramdı, Asshıp semiz boqshamdı, Jollarda suwırıp shańdı, Men qalaǵa qatnaǵanman, Oqıw dese jatpaǵanman (I.YUsupov).
Izinshe arqa batıstan esirip esken ótkinshi samal joq jerden shań-tozańdı uytqıtıp, aspanǵa qaray suwırdı (M.Nızanov).
0 Qamırdan qıl suwırǵanday — bildirmey júdá ustalıq, náziklik penen islew, eplilik penen háreket etiw.
Bayterekseń ósken góne tamırdan, Dig arlıǵıń qıl suwırǵan qamırdan, Qaraqalpaqtıń kewil qusı sayrasa, Sóz qıysını ǵáziyneńnen tabılgan (I.YUsupov).
Iziniń guyıkdıǵın bilip qamırdan qıl suwırǵanday ásten basladı (T.Qayıpbergenov).
Suwırıp salma — juwabı birden tayın turıw.
Qaptalındaǵı hayaldiń sorawına suwırıp salma juwap aytıwǵa batılı barmaǵanın óziniń sharwaǵa ele alım emesliginen kórdi (K.Sultanov).