SIŃIW
Qaraqalpaqsha
f. 1. Taralıw, jayılıw, aralasıw, birigiw, qosılıw.
Sıńqıldap aqqan suw áste sińedi jerge jıbırlap (B.Qayıpnazarov).
Mıqlı tósin jar taslardıń, Jatpasa kók tolqın sharpıp, YA jamǵır, ya bulaklardıń, Suwı jerge sińbey balqıp (I.YUsupov).
Qatınek pıshıktay sekirip hámme jerdi mintazday etip, sorpa kóbirek sińgen jerlerin erinbey sorıdı (T.Qayıpbergenov).
Hámellep tastı tasqa urıp mayı sarqılıp, bosap qalǵan shıranıń may sińgen paxta piltesin tutandırdı (K.Kárimov).
2. Jasırınıw, kórinbew.
«Qayda barsam da basqan jerim oyılma boldı ǵoy!» — dep Qádir qattı adım basıp kólge kirip, kalıń kamıslıqtıń arasına sińip ketti (K.Sultanov).
Suwǵa súńgigendey bir demde karańǵıǵa sińip-sińip joq boldı (T.Qayıpbergenov).
3. Batıw, kiriw.
Búl jerde xalıq qonaq ushın jaralǵan, Balasınan qımtap, sakdar konaqka, SHınında búl dástúr unamas maǵan, Qanımızǵa sińip ketken biraq ta (I.YUsupov).
Bazda-bazda bult tarqap ketip kuyash jıltıldaydı, jáne qádimgi kálpine kirip, kuyash birotala bult astına sińdi, demniń arasında álem gúńgirtlenip, epeleklep qar jawdı, bul ózgerislerdiń hesh biri qońırat atlılarınıń keypine tásir etpedi, júris dawam etti (T.Qayıpbergenov).
4. Ózlesiw, sińisiw.
Kózlerińizdiń qarashıǵına máńgi sińgen hásiret izlerine itibar bermegende, óziniz ele qızdaysız!.. (T.Qayıpbergenov).
Ukrain emespen, biraq qanıma, Kóp sińgen bul jerdiń rux sawlatı, Jaralı jáyranday qaraqalpaqqa, Sen baspana boldıń bayaǵı waqta (I.YUsupov).