SEMIW
Qaraqalpaqsha
f. 1. Kishireyiw, júdew, solıw.
Isip, semip kepsendaǵı, Oylanıń, ketken keler me (Berdaq).
Qabaǵı qatıńqı, torsıldaktay eki betiniń eti semip, ayǵız-ayǵız ájim túsken (K.Sultanov).
Denesiniń azǵanlıǵınan kelisikli kelbeti de ózgerip, moynı up-uzın, jip-jińishke bolıp jaǵınıń eti semgen, ózi qıltıyıp qalǵan (A.Bekimbetov).
Bes jıllıq urıs zardabına ananıń júregi kátıp semdi me, eńirep egitilgen menen tógilip jas shıqpadı (K.Sultanov).
2. Azayıw, tawsılıw, óshiw, toqgaw.
Katerdiń qarası semgenshe samal menen lawdan kóylegi jelbirep, sup-sur bolıp turǵan Nazlı kempir balasınıń jan qaltasına salǵan topıraǵın «uwısıma kaytıp qashan túser eken» dep daǵdırıp tur edi (K.Sultanov).
— Awa, sarı uwayımnan payda joq! — dep Jámiyla da Jumabaydıń sózin qaytalap, samolyottıń dawısı semgen jaqqa sarsılıp qaradı da: — Ey, miynet bolsa kórermiz! — dep shananıń ernegine kelip otırdı... (K.Sultanov).