SEKSEWIL
Qaraqalpaqsha
at. Oraylıq Aziyanıń shorlı hám qumlı shóllerinde ósetuǵın, japıraǵı jaqsı rawajlanbaǵan puta yamasa terek hám onıń otın sıpatında paydalanılatuǵın aǵashı.
Espe qumnıń ústindegi hár jerde qulaǵan seksewillerdiń arasında kesirtkeler jılt etip zıp beredi (K.Sultanov).
Únsiz kókke qolların sozıp ásten, Kim bular el shetinde erbeńlesken? Hesh kim emes, bul mázi seksewiller, SHet-shebirsiz dalanı kaplap ósken (I.YUsupov).
SHólden jáne tili awzına sıymay, bir seksewildiń astın qolı menen tırnap, ızǵarǵa bawırın basıp jatıp, neshe kún uyqılaǵanı biymálim, oyansa, tań atıp, kaptalındaǵı joldan onlaǵan eshekke júk artıp baratırǵan duzshılardı kórdi de, izlerinen baqırıp juwırdı (T.Qayıpbergenov).
Kóz ushında kiyatırsa da qaptaldaǵı bir shoq seksewildiń qasına biyikke shıǵıp jol berip turdım (M.Nızanov).