SAQAL
Qaraqalpaqsha
at. Iyek, alqımǵa shıǵatuǵın jún, túk.
Kórmegenge kóse tań, Kóselerge saqal tań (qq.x.n.).
Bilemen, onıń bul shok xázilinde, Ájimli mańdayında, ótkir kózinde, Máńgi qaysar, máńgi jas minezinde, Páki batpas saqal basqan júzinde (I.YUsupov).
Ásirese, saqalları menen kózleriniń usaslıǵı — bir ustanıń qolınan shıqqanday bir reńles (K.Sultanov).
Boyawshı, boyawshı degenge saqalın boyaptı (qq.x.n.).
0 Saqalına asılıw — ermeklew, mısqıllaw, ústinen kúliw, gáp qaytarıw.
— Saqalıma asılma, páderińe nálet! — degen xannıń ashıwlı dawısı esitildi (T.Qayıpbergenov).