SADAQA
Qaraqalpaqsha
at. (a.
— qayır, sawǵa.).
1. Moldalarǵa, tilenshilerge, diywanalarǵa, jarlı xám mútáj adamlarǵa beriletuǵın qayır nárse.
Jaqında ǵana biziń apam túsinde qorqıp, usı kisige jup nan sadaqa bergeni esimde bar edi (T.Qayıpbergenov).
Adamlar meni «biysharanıń eki ayaǵı dizesinen tómen islemey qalıptı» dep ayap, kóbirek sadaqa beredi (M.Nızanov).
«Sadaqanı sawda ber», — dep qayırdı naqılın («Qırq qız»).
2. Qudaydıń jolına, áwliyelerge xám qaza tapqanlardıń jolına beriletuǵın qayır, qurbanlıq, awqat, mereke.
Baxtıma úydiń ishi bir sadaqaǵa ketti (M.Nızanov).
Tamaqtı kórip, kirgen úyimizdiń álle qanday bir sadaqası shıǵar dep oylaǵan edim (T.Qayıpbergenov).
Jıl sadaqasınan soń áwliye basına barıp kelip, birinshi márte tórge shıqtı (M.Nızanov).