PÁREŃ
Qaraqalpaqsha
kel. Taza, jańa, hasıl.
Páreń oramalın orap, Ara berip ózine, Súrme jaǵıp kózine («Máspatsha»).
0 Qara páreń — qaradan kelgen, qaranıń sulıwı, qaralawdan kelgen kelbet, túr.
Hayallardıń erinleri bozarıp esheyindegi sulıw qara páreń júziniń qanı pútkilley qashıp ketken (Q.Dosanov).
SHırayımnıń qara páreńligin aytpaǵanda hesh kim aziyalı ekenimdi júris-turısımnan parıqday bermeydi (M.Nızanov).
Jiyemurat qara páreńnen kelgen, arıq turaqlı, qayınday jigit edi (T.Qayıpbergenov).
Urıstan sońǵı jılları bul Siypatdiyin degen briǵadir otız-otız bes jastıń dógeregindegi jańa murt qoyıp júrgen kósenamalaw ǵana, qayın qara páreń jigit edi (U.Pirjanov).
Páreńi mıltıq — basqa jaqtan alınǵan, shetten ákelingen mıltıq.
Páreńi nayza — basqa jurtta islengen, shetten ákelingen nayza.