PUTA I
Qaraqalpaqsha
at. Hár túrli, mayda terek tárizli ósimlikler.
Bir putanıń sayasına úshewi otıra ketti (Q.Sultanov).
Hayal putalar hám aǵashlardıń arası menen samalday ushtı (S.Ayniy).
Eshegimizge júretuǵın jol tappay, puta-putanıń arası menen zorǵa keldik ǵoy, shıraǵım! (M.Nızanov).
Putanı nanalap jatıp, SHaqmaq shaqsa, janı qalmay (Berdaq).
Hayal putaǵa qaray burıldı (N.Dáwqaraev).
Ayaǵıńdı puta tırnap, tas qıyıp, Órmeleyseń asqar tawdıń basına (I.YUsupov).