PITIK
Qaraqalpaqsha
kel. 1. Bolıq, zor, ónimli.
Paxta degen jarıkdıq pitik, qalay bolsa solay ırǵalıp tur (S.Xojaniyazov).
Bir brigadtı qurap otırǵan bul shashaw awıldıń bir sheti anaw ırashı aǵarańdap kóringen kanalǵa, bir etegi jıńǵıl, sheńgeli pitik dalańlıqqa jalǵasadı (Á.Atajanov).
2. Qısıq, jumıq.
Urtı tompayǵan kózleri pitik («Qırq qız»).
Qızıl júzli qız kórinse quwjıńlay beretuǵın bir uyatsız eser sultan sıyaqlı, piste murınlı gózzal ajarına pitik kózlerin qayta-qayta tigip tıpırshılap otır (K.Mámbetov).
3. awıs. Ónimli, bereketli.