PISTE
Qaraqalpaqsha
at. 1. Ǵoza sıyakdı miywesi bar ósimlik, aǵash.
2. Miywe, shaǵıp jelinetuǵın kishkene ǵoza.
SHashıń qara, betiń appaq.
Qundız kirpik, yubqa dodaq.
Piste murın awzıń oymaq, Kelbet jaǵıń kelgen kelin (Berdaq).
Óziniń jılaganın bildirmeyin degendey bolıp, túyin-túyin bolǵan jaman jırtıq bóz kóyleginiń jeńi menen kózin súrtip, piste murnın qısıp turıp, bir súńgirip, shıqqan nárseni jerge bılsh etkizip atıp urdı (M.Dáribaev).
Taldırmash boylı, beli qamıstay jińishke, gúlshe júzi ottay janǵan, kulakdarı aq qaǵazday, piste murınlı, shashı sebet burım, on úsh jasar Almagúlge ım qaqtı (T.Qayıpbergenov).