PAQSA
Qaraqalpaqsha
at. 1. Ílaydan yaki gerbishten salınǵan jaydıń diywalınıń bir bólegi.
Eki paqsası pitip turǵan tam Jálmendiki edi, jańa dalaǵa shıqqanda kórgen shıǵarsız (T.Qayıpbergenov).
Ójirelerdin ishindegi paqsalardı tarashlaǵandaǵı túsken ılay-keseklerdiń irilewlerin ǵawzastırıp, bel menen sırtqa atıp, maydalawların toqpaq penen ezip, sırtqa shıqqan Berdaq jumıstıń sırtta da qızıp atırǵanın kórdi (A.Sadıqov).
Arba jol qarazǵa qaray burılatuǵın jerde jiǵit talay mártebe tusınan ótip júrgen, qarawsızlıqtan paqsa diywalları unırap, ayırım jerleri qulap atırǵan góne tamnıń súlleri kórindi (K.Kárimov).
2. Ílaydan yaki gerbishten salınǵan diywal.
Sóytip, biziń atızdı Mátsapalardikinen bólip turǵan biyik paqsanıń qasınan tandırǵa orın tegislewge kiristi (M.SHımbergenov).