OQ I
Qaraqalpaqsha
at. 1. Oq jayǵa salıp atılatuǵın, ushı nayza tárizli uzın, jińishke tayaqsha.
Oq jaydıń oǵı.
At bir lappa jatadı, oq ústinen ótedi («Jáxansha»).
Jayǵa oqtı saladı («Jáhansha»).
2. Mıltıq, pistolet, pulemet sıyaklı kurallarǵa salıp atılatuǵın kishkene snaryad; patron.
Bolsadaǵı olar tuwısqan, Oq attırdı alǵa boratıp (M.Seytniyazov).
Adamǵa qarsı oq ata almayman (M.
Nızanov).
Biraq, oq júrektiń tusınan tiyip, ol álle qashan ólip qalǵan eken (A.Sultanov).
Atıldı jawǵa, mıltıklar, Oq jawınday kuyılıdı (qq.x.q.).
3. Minomyot, reaktiv artilleriya hám basqa da kurallardan atılatuǵın oq-dári; snaryad.
Sol topılısta meniń oń ayaǵıma snaryadtıń oǵı tiyip julıp ketti (Ó.Xojaniyazov).
0 Oq kirpik — kirpigi shanshılıp tik turgan, tik kirpik.
Qası jayday, kirpigi oq, Hesh jeriniń múltigi joq (Átesh).
Oqqa ushıw — oq tiyip óliw.
Jan apajan seni jawda qaldırmay, Alıp shıǵar oqqa ushıp ólmese («Qırq qız»).
Talay adamnıń oqqa ushqanın kórip edim, biraq onıń jıǵılǵanınday jıǵılǵandı kórgenim joq (ád.
xrest).
Oq-jaraq — oq xám qurallar, atıw dáskeleri.
Oq-jaraqtı jasırǵan jerinde sezdim (K.Sultanov).
Tabıwǵa taptım-aw, biraq biziń ǵarrı ol sandıqqa oq-jaraqtan bóten hesh nárse salmaǵan eken (A.Bekimbetov).
Sendeylerdi kózge kúyik qılmay frontqa jiberedi.
Oq-jaraq tasısań da payda (K.Sultanov).