OYANÍW
Qaraqalpaqsha
f. 1. Uyqısın ashıw, uyqıdan turıw, túrgeliw, turıw.
Oyansam túsim eken (Ó.Ayjanov).
Qudaynazar qansha kesh uyıqladım dese de, kún shıǵıs jiyek qızarıp, tań atıp kiyatırǵannan-aq shashırap oyandı (M.Nızanov).
SHańaraqqa túsken jaqtıdan setem alǵan Bektemir oyanıp ketti (K.Kárimov).
«Bayǵus jetim, ketip qayaqqa baradı, Bektemir oyansın, oylasıp bir ilajın tabarmız» (K.Kárimov).
2. awıs. Janlanıw, qozǵalıw.
Oyandı Araldıń balıǵı tuwlap, Kóller jańǵırıttı qus namasınan (T.Seytjanov).
3. awıs. Payda bolıw, qozǵalıw (tuyǵı-sezim hám t.b.
qaqqında).
«Ómirbek xám Tazsha» spektakli tamashagóyler tárepinen jıllı qabıl alınǵannan keyin, kewlimde qatar jaqsı niyetler oyandı (M.Nızanov).
Kewlinde úmit oyanıp izine qayttı (K.Kárimov).