OTRYAD
Qaraqalpaqsha
(rus.
otryad < otryadit «qanday da bir tapsırma, wazıypa menen jiberiw» feyilinen qosımtasız jasalǵan atlıq: qanday da bir tapsırma alǵan topar).
at. 1. Áskeriy yamasa arnawlı wazıypalardı orınlaw ushın dúziletuǵın waqtınshalıq yaki turaqlı áskeriy bólim, bólimshe.
SHımbay rayonı na otryad óz aldı na ketti (Á.Paxratdinov).
Isfandiyarxannıń kórsetpesi menen rus patshasınıń jazalaw otryadı general A.S.Galkin basshılıǵında 1916-jılı aprel ayında kóterilis basshılarınan 11 adamdı darǵa astı (A.Sultanov).
2. Qanday da bir is, xızmet ushın jámlesken adamlar toparı, jámááti.
Paxta jıyın-terimine qatnasıwdı qáleytuǵın ıqtıyarlılardı tartqan halda otryadlar dúziw jumısları baslap jiberilgen edi (gazetadan).
3. zool.
Haywanlar sistematikasında anıq bir belgiler menen birlesken topar.
Kemiriwshiler otryadı.
Házirgi amfibiya túrleriniń ulıwma sanı 2100-2600 bolıp 3 otryadqa birikken: kuyrıqlılar, ayaqsızlar hám kuyrıqsızlar («Omırtqalılar zoologiyası»).