ORTALÍQ
Qaraqalpaqsha
at. Kópshilikke tiyis, xámmege teń, ulıwmalıq.
Bul mallar kolxozdıń ortalıq malı boladı (T.Qayıpbergenov).
Házir biziń kolxozshılar ashıq júz, Telekte tolı tur ortalıq ǵálle (J.Aymurzaev).
Elde kimde kórpe-tósek bolsa ortalıqqa alınadı dep olar da juwap berip júrdi (Á.Paxratdinov).
— Bul mallar awıl xojalıǵınıń ortalıq malları boladı (T.Qayıpbergenov).
— Ortalıqtan men sóylesem qáytedi, shıraǵım? — dep Máteke Tilewmuratovqa qaradı (K.Sultanov).