ORTA
Qaraqalpaqsha
kel. 1. Bir nárseniń ortalıǵı, aralıǵı.
Berdaq qay jerde kópshilik xalıq jıynalsa, ol mudamı solardıń ortasında boldı (I.Saǵitov).
Seniń kórkiń sımbatıńa sol qayım, Maqul deseń ortachızlaturmayın (B.Ismaylov).
Namaz juma kúnleri meshit tolı adamlardıń ortasına molla shapanın jayıp taslaydı (Á.SHamuratov).
Oyınnıń qızıǵı menen jana gana ortada turgan Meńlimurat aǵanıń qápelimde qayda ketkenin andamay kalshpız (T.Qayıpbergenov).
2. YArım, jartı.
Tún ortası awǵanda kúndegi ádeti boyınsha bir topar pada kele berdi (Q.Ayımbetov).
Soń, ras-s duzga qaklap hápte ortası gá sháwle, gá nansorpa etip jep, ráxátlenip qaladı (M.Nızanov).
0 Orta mektep — On jıllıq bilim beretuǵın mektep.
Bizler awıldaǵı orta mektepti pitkerip kimimiz oqıwǵa, kimimiz óndiriske jumıska kettik (gazetadan).
Jeti jıllıq edi awılda, Orta mektep qalada edi (M.Seytniyazov).
Orta boylı — uzın da emes, kelte de emes boy, dene.
Orta boylı, qırma saqal, basında shapkası bar, russha kiyingen jigit (N.Dáwqaraev).
Orta boylı adamnıń alaman aldında kóriniwi músh kil edi (A.Sultanov).
Orta boylıdan bálentirek, at jaqlı, jalpaq murınlı, murtı endi tap berip kiyatırǵan jas óspirimniń názerinde qızǵa degen ıshqı-muxabbattan kóre qızıǵıwshılık basım kórindi (K.Kárimov).
Orta jasar — ǵarrı da emes, jas ta emes, aqılı toqtasqan.
Berdaq shayır orta jasqa kelgende Biybixan degen birinshi xayalı óledi (Q.Ayımbetov).
Aleksandr Zlobin orta jaslarǵa jaqınlagan, xesh bir urıslarda bolıp kórmegen, keńsede, xojalıq jaqlarında islep ofińerlik chinge iye bolıp júrgen sıpayı jigit edi (Á.SHamuratov).
Orta diyqan — bay da emes, jarlı da emes diykan.